Subscribe to Newsletter




Email to a friend




De Cymru

Request a brochure

Home > Beth i’w Wneud a’i Weld > De Cymru

De Cymru

Caerdydd yw’r porth i weddill Cymru, a bydd taith fer yn y car yn eich arwain at olygfeydd godidog Bro Morgannwg, at fryniau uchaf de Prydain ym Mharc Cenedlaethol Bannau Brycheiniog, ac at y cestyll gwefreiddiol yng nghymoedd De Cymru. Dyma ddim ond ychydig o atyniadau De Cymru.

             

Llyfryn De CymruI gael rhagor o wybodaeth am atyniadau a Digwyddiadau yn Ne Cymru, ewch i www.southernwales.com.

Neu gallwch lawrlwytho llyfryn am Dde Cymru drwy glicio ar y llun ar y chwith (3,1005 Kb Pdf).

 

Cliciwch yma i gael gwybodaeth am Docyn Flexi Rover De Cymru, sy’n rhoi tri diwrnod o deithio ar drenau a saith diwrnod o deithio ar fysus i chi am £30, a hynny heb unrhyw gyfyngiadau.

 

 

Arfordir Treftadaeth a Chefn Gwlad Morgannwg

Mae’r wlad a'r golygfeydd gwefreiddiol o amgylch Arfordir Treftadaeth a Chefn Gwlad Morgannwg o fewn pellter agos yn y car i ganol Caerdydd, ac yma fe ddewch o hyd i rai o’r traethau, clogwyni, cestyll ac Atyniadau teuluol gorau yng Nghymru.  I gael hwyl ar lan y môr, ewch i Benarth neu i'r Barri, neu ewch i dref farchnad y Bont-faen i'w gŵyl fwyd flynyddol, neu i 'Ffair Haf' Pen-y-bont ar Ogwr.
I gael rhagor o wybodaeth ewch i www.glamorganheritagecoast.com.

 

Cymoedd De Cymru

Ar un adeg, y glo o gymoedd De Cymru oedd yn rhoi ynni i’r byd, a bellach gall ymwelwyr o bedwar ban ddysgu am hanes diwydiannol yr ardal yn ogystal â mwynhau rhai o'r golygfeydd gorau yn y De. Ewch i Gaerffili i weld un o gestyll mwyaf trawiadol y DU, neu ewch draw i Ferthyr Tudful a mwynhau taith ar Reilffordd Mynydd Brycheiniog.

I gael rhagor o wybodaeth ewch i www.southernwales.com.

Parc Cenedlaethol Bannau Brycheiniog

Os mai cerdded, beicio mynydd, marchogaeth merlod, gwylio adar, pysgota neu ddringo sy'n mynd â'ch bryd - Parc Cenedlaethol Bannau Brycheiniog yw'r lle delfrydol i bob un ohonynt, ac mae'r cyfan lai na hanner awr yn y car o Gaerdydd.
O fewn ffiniau’r parc ceir cestyll anhygoel, ogofâu dwfn ac amgueddfeydd hynod. Gallwch ddod o hyd i geiri hynafol a ffyrdd Rhufeinig, neu fwynhau bywyd gwyllt naturiol yr ardal.
I gael rhagor o wybodaeth ewch i www.breconbeacons.org.
 

Dyffryn Gwy a Dyffryn Wysg

Ewch tua’r dwyrain o Gaerdydd tuag at y ffin â Lloegr ac fe ddewch ar draws Dyffryn Gwy – ardal o Harddwch Naturiol Eithriadol, ac ardal sy’n llawn safleoedd hanesyddol fel Abaty Tyndyrn, Castell Cas-gwent a Chaer Rufeinig Caerleon. Gall ymwelwyr hefyd fwynhau taith ar hyd llwybr Clawdd Offa, neu logi canŵ a theithio i lawr afon Gwy.

I gael rhagor o wybodaeth ewch i http://www.visitwyevalley.com/.